قصة الطفلة اليمنية حنين البكري
قصة الطفلة اليمنية
حنين البكري
بسم الله الرحمن الرحيم
جاهزين؟؟
أب يعفوا عن قاتل ابنته وبنجيه من الإعدام باللحظة الأخيرة
ـ هذا اللي صار بقصة اليوم
وإذا حابين تعرفوا التفاصيل عطوني تركيزكم
ويلا نبدا 👇
السلام عليكم ورحمة الله وبركاته
القصة اللي رح نحكي عنها اليوم هي قصة قتل الطفلة حنين البكري
اللي ضجت فيها مواقع التواصل الإجتماعي وخصوصا باليمن قصة اليوم صارت بعام 2023 بدولة اليمن وتحديدا بمحافظة عدن جنوب اليمن وتفاصيل القصة بتبدأ
- لما يقرر ابراهيم البكري بيوم وقفة عيد الأضحى بعام 2023 أن يأخذ بناته ويتجه فيهم للسوق بالسيارة لحتى يشتروا ملابس العيد
- ولكن وهم متجهين للسوق ابراهيم البكري بعمل حادث وبصدم بسيارة أخرى وبعدها بنزل ابراهيم البكري والسائق الآخر من السيارة لحتى يشوفوا الوضع - -بعدما ينزل ابراهيم البكري والسائق الآخر من السيارة واللذي يدعى باسم حسين هرارا بتناقشوا حول الحادث وبحتدم النقاش بينهم وبتطور لعراك بالأيادي
- وبعدها بتوجه حسان الهرارا لبيته وبجيب سلاح ناري وبرجع لمكان الحادث وبصير يطلق النار على السيارة و وقتها بتصيب أحد الطلقات بنت ابراهيم البكري اللي اسمها حنين واللي عمرها أربع سنوات
- الطفلة حنين بلحظتها بتلفظ أنفاسها الأخيرة و بتموت
بهرب المدعو حسين هرارا وبعدها بكم يوم بيجوا وفد من قبيلته لعند ابراهيم البكري وبخبروه أنهم مستعدين أنو يسلموا القاتل
-وهذا فعلاً اللي صار وفعلاً سلموا حسين هرارة للقاضي
رواية القاتل حسين :
- وباعترافات حسين هرارة قال باعترافه أنه ما كان ينوي أن يقوم بجريمة قتل ولكن عندما أطلق الرصاص على السيارة ما كان يعرف بوجود بناته لابراهيم البكري داخل السيارة .
وقام بهالشيء لأنه كان غاضب بسبب الحادث
وأنه لو كان ينوي القيام بجريمة قتل لقتل الابراهيم البكري المتسبب بحادث السيارة .
المحاكمة :
وبعد مرور عام من جلسات المحاكمة بقضية حسين هرارة تصدر محكمة المنصورة بمدينة عدن حكم بإعدام القاتل حسين الهرارة رمياً بالرصاص
المتهم بقتل الطفلة حنين البكري والتي بتبلغ من العمر أربع سنوات بجناية القتل العمد
قبل تنفيذ حكم الاعدام:
قبل تنفيذ حكم الإعدام بكم يوم قامت بنته لحسين الهرارة واخواتها بنصب خيمة بجوار قبر الطفلة حنين البكري
وعادة التخييم بجوار القبر معروفة عند القبائل باليمن
وغاية هذا العرف هو استعطاف أولياء الدم للعفو عن القاتل ، ولكن هذه المناشدات ما كان إلها أي فائدة.
- وأصر براهيم البكري والد الطفلة حنين بتنفيذ الحكم الصادر من المحكمة.
-((يعني هل أنتو تتسألوا أنه ليش ابراهيم البكري رغم كلها المناشدات ما استجاب يعني أنت حط حالك مكانه واحد طفلته انقتلت شو بدو يساوي؟))
يعني الله لا يحط حدا بهذا الموقف.
-وبيوم تنفيذ حكم الأعدام بحق حسين الهررة:
توافد لساحة الأعدام أعداد كبيرة من قبيلة حسين وحاولوا أنهم يناشدوا ابراهيم البكري لحتى يسقط حقه بقتل حسين للمرة الأخيرة
وكانت المفاجأة
-وفعلا براهيم البكري استجاب إلهم وقبل لحظات من إطلاق الرصاص على حسين الهررة قام بالعفو عنه وفعلا انتهت القضية هون
- بعد خبر العفو عن القاتل حسين الهررة , الخبر هذا ضج بمواقع التواصل الإجتماعي ولاقى ترحيب كبير من قبل الناس
- وبتقرر الحكومة اليمنية إنشاء مستشفى باسم الطفل حنين،
وبقرر حسين هررة إنشاء جمعية للتوعية بمخاطر حمل السلاح ....
"وبنهاية القصة حابب أذكركم
بحديث النبي صلى الله عليه وسلم
(( ليس الشديد بالصرعة ، و إنما الشديد الذي يملك نفسه عند الغضب ))
صدق رسول الله صلى الله عليه وسلم .
- هي كانت قصة اليوم إذا أعجبتكم حطوا لايك
أنتظروني بقصة جديدة إن شاء الله
والسلام عليكم ورحمة الله وبركاته ❤️
#اليمن #حنين_البكري #عدن #قصص
التعليقات على الموضوع